Archive for August 2014
ទ្រឹស្ដី ៥ មានតម្លៃបំផុតរបស់លោក Warren Buffett ដែលអ្នកគួររៀនសូត្រតាម
ទ្រឹស្ដីទាំង ៥ ខាងក្រោមនេះ គឺជាទ្រឹស្ដីសំខាន់ៗមានតម្លៃបំផុត ដែលលោកមហាសេដ្ឋីលំដាប់ពិភពលោកលោក Warren Buffet បានចែករំលែកដល់សហគ្រិនទូទាំងពិភពលោក។ ទ្រឹស្ដីទាំង ៥នោះគឺ៖
១) មានភាពឆ្លាតវ័យក្នុងការចាយលុយ (Spend wisely)៖
«បើអ្នកចំណាយលុយទិញអ្វីដែលអ្នកមិនត្រូវការ នោះឆាប់ៗអ្នកនឹងលក់របស់ដែលអ្នកត្រូវការ (If you buy things you don't need, you will sell things you need)។ អ្នកត្រូវចាំជាដាច់ខាតអំពីរឿងនេះ»។ មានន័យ ដោយខ្លីថា អ្នកត្រូវចំណាយលុយ ទិញអ្វីដែលអ្នកត្រូវការ មិនទិញរបស់អ្នកដែលអ្នកមិនត្រូវការនោះទេ។ ធ្វើដូច្នេះ អ្នកចំណាយចំខ្ទង់ ហើយធ្វើដូច្នេះអ្នកនឹងអាចមានលុយសន្សំសម្រាប់វិនិយោគនៅថ្ងៃ ខាងមុខបានទៀតផង។
មុននឹងទិញទំនិញអ្វី អ្នកត្រូវសួរខ្លួនឯងថា ៖ «ខ្ញុំពិតជាត្រូវការរបស់នេះមែនទេ? តើខ្ញុំកំពុងចំណាយច្រើនហើយមែនទេ? តើខ្ញុំអាចសន្សំលុយខ្លួនដោយមិនចាំបាច់ទិញរបស់ទាំងនេះបាន ទេ?»។ ត្រូវចាំសំដីរបស់លោក Warren Buffet ពីរឃ្លាទៀតគឺ៖ ១) មិនត្រូវចាយលុយឥតប្រយោជន៍ ២) កុំភ្លេចច្បាប់ទី១។
២) សន្សំសំចៃ
«មានមនុស្សកំពុងអង្គុយជ្រកក្រោមដើមឈើថ្ងៃនេះ ដោយសារតែមានមនុស្សម្នាក់ដាំវាកាលពីប៉ុន្មានឆ្នាំមុន (Someone's sitting in the shade today because someone planted a tree a long time ago )»។ នេះគឺជាទ្រឹស្ដីមួយទៀតរបស់មហាសេដ្ឋី Buffet។ លោកចង់មានន័យថា ការសន្សំលុយថ្ងៃនេះ មិនមែនបានផលថ្ងៃនេះនោះទេ តែវាផ្ដល់ផ្លែផ្កានៅថ្ងៃអនាគត។ អ្នកអាចប្រើវាសម្រាប់ដោះស្រាយបញ្ហាគ្រោះអាសន្នដែលអាចកើតឡើង ជាយថាហេតុ ឬអ្នកអាចប្រើប្រាស់វាដើម្បីវិនិយោគនៅខាងថ្ងៃខាងមុខ។ ប្រការសំខាន់បំផុតនោះ គឺថា ច្បាប់មួយទៀតរបស់លោក Buffet គឺ៖ មិនត្រូវសន្សំលុយសល់ពីចំណាយនោះទេ តែត្រូវសន្សំមុនការចំណាយ។
៣) គិតឱ្យបានវែងឆ្ងាយ និងត្រូវអត់ធ្មត់ (Think long-term and be patient)
លោក Warren Buffet បានលើកឡើងដូច្នេះថា ៖«មិនថាអ្នកឆ្លាត មានដុងពីកំណើត ឬប្រឹងប្រែងយ៉ាងណានោះទេ អ្វីៗគឺត្រូវការពេលវេលា។ អ្នកមិនអាចបង្កើតកូនមួយក្នុងរយៈពេលមួយខែដោយឱ្យស្ត្រី៩ នាក់ពពោះនោះទេ (Someone's sitting in the shade today because someone planted a tree a long time ago )»។ វាមិនមែនកើតឡើងដោយឯកឯងនោះទេ។ មានពេលខ្លះអ្នកប៉ាន់ស្មានហួសពីលុយដែលអ្នករកបានក្នុងមួយ ឆ្នាំ ហើយពេលខ្លះអាចប៉ាន់ស្មានតិចពេកចំពោះលុយដែលអ្នកអាចរកបាន ក្នុងរយៈ ពេល ១០ឆ្នាំ។ អ្នកវិនិយោគ ត្រូវការរកស៊ីដោយគិតពីគូរផ្លូវវែងឆ្ងាយ ពោលគឺមិនមានចង់រកស៊ីថ្ងៃនេះ ថ្ងៃស្អែកបានចំណេញនោះទេ។ វាត្រូវការពេលវេលា។
៤) ការខ្ចីបុល (Borrowing: Limit what you borrow)
អ្នកមិនអាចក្លាយជាអ្នកមានបានជាដាច់ខាតដោយរស់វ័ណ្ឌកនឹង បំណុល។ មនុស្សមួយចំនួនតែងគិតថា ការខ្ចីបុលគឺអាចគ្រប់គ្រងបាន។ ដោយឡែក ការខ្ចីបុលគួរស្ថិតនៅក្នុងដែនកំណត់ណាមួយ ហើយការខ្ចីលុយទៀតសោតគួរតែមានគោលដៅចំណាយច្បាស់លាស់។ អ្វីដែលអ្នកគួរធ្វើនោះគឺខ្ចីលុយ ដើម្បីយកមកបង្កើតលុយ។ មុននឹងខ្ចី អ្នកត្រូវវាយតម្លៃពីលំហូរសាច់ប្រាក់ និងតម្រូវការហិរញ្ញវត្ថុផ្សេងៗនៅពេលអនាគត។ អ្នកគួរតែកំណត់ពេលវេលាជាក់លាក់សម្រាប់ខ្លួនឯងចំពោះការជំពាក់ បំណុលគេ អ្នកមិនមែនធ្វើជាខ្ញុំកញ្ជះគេរហូតនោះទេ។
៥) ហានិភ័យ (Risk)៖
តាមទ្រឹស្ដីរបស់មហាសេដ្ឋីកំពូលរូបនេះ ៖ «ហានិភ័យកើតចេញពីអ្វីដែលយើងមិនដឹងអ្វីដែលខ្លួនកំពុងធ្វើ (Risk comes from not knowing what you are doing)»។ មនុស្សម្នាក់ចង់រកលុយ ហើយចង់រកឱ្យបានច្រើន និងឆាប់ៗទៀតផង អីចឹងហើយបានជាមនុស្សមួយចំនួនធំបានយកលុយយ៉ាងច្រើនទៅវិនិយោគ ដោយរំពឹងថា នឹងទទួលបានចំណូលច្រើនមកវិញ ដោយពុំបានសិក្សា និងវិភាគហានិភ័យផ្សេងៗនោះទេ។ ដូច្នេះគួរជៀសវាងបញ្ហានេះ អ្នកវិនិយោគ ក៏ដូចជាសហគ្រិនត្រូវតែសិក្សាពីហានិភ័យផ្សេងៗ ហើយគ្មានជំនាញ និងមិនដឹងពីវិធីវិភាគនោះទេ ត្រូវទៅរកសេវារបស់ក្រុមហ៊ុនប្រឹក្សាយោបល់៕
ដោយ ៖ ឬទ្ធិ
ប្រភព៖ ndtv
Tag :
ចំណេះដឹងទូទៅ,
លក្ខណៈសម្បត្ដិរបស់អ្នកដឹកនាំល្អ
លក្ខណៈសម្បត្ដិរបស់អ្នកដឹកនាំល្អ
អ្នកដឹកនាំល្អត្រូវមានលក្ខណៈសម្បត្ដិដូចខាងក្រោម៖
១. ភាពទៀងត្រង់៖ បង្ហាញអ្នកក្រោមបង្គាប់នូវសេចក្ដីស្មោះត្រង់ សុចិរិតមិនលាក់ លៀមនូវ គ្រប់សកម្មភាពទាំងអស់របស់ខ្លួន។ ឥរិយាបទឆបោកនឹងមិនធ្វើឲ្យអ្នកដ៏ទៃជឿជាក់ទេ។
២. សមត្ថភាព៖ ផ្អែកទៅលើការអនុវត្ដសកម្មភាពដ៏សមហេតុផល និងគោលការណ៏ដែលមានសីលធម៌របស់អ្នក។ ដូចនេះ មិនត្រូវធ្វើការសម្រេចចិត្ដណាមួយ ដោយពឹងផ្អែកលើអារម្មណ៏ផ្ទាល់ខ្លួន ឬ ចិត្ដចង់ដែលមិនសមហេតុផលនោះទេ។
៣. សម្លឹងទៅមុខជានិច្ច៖ មានគំនិត គោលដៅនិងទស្សនៈវិស័យច្បាស់លាស់សម្រាប់ពេលអនាគត។ ទស្សនៈវិស័យដែលបានបង្កើតនោះ ត្រូវបម្រើផលប្រយោជន៏ដល់អង្គភាពទាំងមូល។ ដូច្នេះហើយអ្នកដឹកនាំមានប្រសិទ្ធភាព ត្រូវបង្កើតទស្សនៈវិស័យអ្វីដែលពួកគេចង់បាន និងត្រូវធ្វើឱ្យសម្រេចបានតាមរបៀណាមួយ។ ពួកគេត្រូវចាប់ឱ្យបាននូវអ្វីដែលជាចំណុចអាទិភាព ដែលអាចផ្ដល់ពីតម្លៃរបស់ពួកគេ។
៤. ការជំរុញនិងលើកទឹកចិត្ដ៖ បង្ហាញពីភាពជឿជាក់នូវរាល់អ្វីដែលយើងធ្វើ តាមរយៈការតស៊ូ ភាពអត់ធ្មត់ទាំងផ្លូវកាយនិងផ្លូវចិត្ដ ព្រមទាំងភាពនឹងធឹងរបស់ខ្លួន នោះអ្នកនិង អាចជំរុញ ទឹកចិត្ដអ្នកដ៏ទៃទៀតធ្វើការងារកាន់តែទទួលបាននូវលទ្ធផលល្អជាងមុន។
៥. ភាពវៃឆ្លាតៈ៖ ខិតខំសិក្សាស្រាវជ្រាវបន្ថែម ដើម្បីស្វែងរកនូវ ដំណោះស្រាយសម្រាប់ការងារ និងពេលមានឧបសគ្គក្នុងពេលបំពេញការងារ។
៦. ប្រកាន់គំនិតត្រឹមត្រូវ៖ ប្រព្រឹត្ដល្អនិងមិនរើសអើងទៅកាន់មនុស្សគ្រប់គ្នា។ ភាពលំអៀងគឺជាសត្រូវនៃភាពយុត្ដិធម៌។ ដូចនេះអ្នកដឹកនាំត្រូវចេះ បង្ហាញពីការ ចេះយល់ចិត្ដអ្នកដ៏ទៃ ដោយការចេះឈឺឆ្អាលនិងយក ចិត្ដទុកដាក់លើ អារម្មណ៍ គុណតម្លៃ និងសុខទុក្ខរបស់អ្នកដ៏ទៃ ។
៧. គំនិតទូលំំទូលាយ៖ ស្វែងយល់ឲ្យបានច្រើននូវភាពសម្បូរបែបនៃវប្បធម៌។
៨. ភាពក្លាហាន៖ អ្នកដឹកនាំត្រូវមានស្មារតីលះបង់ដើម្បីសម្រេចឲ្យបានតាមគោលបំណងរបស់ខ្លួន ទោះបីជាមានឧបសគ្គធំយ៉ាងណាក៏ដោយ។ អ្នកដឹកនាំត្រូវបង្ហាញពីភាពជឿជាក់និងស្ងៀមស្ងាត់ ទោះបីជាស្ថិតនៅក្រោមសំពាធការងារយ៉ាងណាក៏ដោយ ។
៩. ភាពច្បាស់លាស់៖ ប្រើប្រាស់នូវភាពយុត្ដិធម៌ ដើម្បីធ្វើការសម្រេចចិត្ដឲ្យបានត្រឹមត្រូវ និងត្រូវតាមពេលវេលាឬស្ថានកាណ៍។
១០. មានគំនិតច្នៃប្រឌិត៖ ធ្វើការផ្លាស់ប្ដូរដ៏សមរម្យនិងទាន់ពេលវេលានៅក្នុងការរិះគិត ការធ្វើផែនការ និងវិធីដោះស្រាយ។ អ្នកដឹកនាំត្រួវបង្ហាញពីការបង្កើតថ្មីៗដោយគំនិតឆ្នៃប្រឌិតស្របតាមគោលដៅ និងស្វែងវិធីសាស្រ្តល្អៗនិងថ្មីៗសម្រាប់ដោះស្រាយបញ្ហា។ និយាយរួម អ្នកដឹកនាំ ត្រូវតែមាននវានុវត្តន៍និងគំនិតច្នៃប្រឌិតថ្មីៗជានិច្ច ។
(ប្រភព៖ ខឹម សារិទ្ធ, ប្រសិទ្ធភាពនៃភាពជាអ្នកដឹកនាំ, ២០១០, BBU) ឬ
(https://www.facebook.com/Khemsarithedu)
អ្នកដឹកនាំល្អត្រូវមានលក្ខណៈសម្បត្ដិដូចខាងក្រោម៖
១. ភាពទៀងត្រង់៖ បង្ហាញអ្នកក្រោមបង្គាប់នូវសេចក្ដីស្មោះត្រង់ សុចិរិតមិនលាក់ លៀមនូវ គ្រប់សកម្មភាពទាំងអស់របស់ខ្លួន។ ឥរិយាបទឆបោកនឹងមិនធ្វើឲ្យអ្នកដ៏ទៃជឿជាក់ទេ។
២. សមត្ថភាព៖ ផ្អែកទៅលើការអនុវត្ដសកម្មភាពដ៏សមហេតុផល និងគោលការណ៏ដែលមានសីលធម៌របស់អ្នក។ ដូចនេះ មិនត្រូវធ្វើការសម្រេចចិត្ដណាមួយ ដោយពឹងផ្អែកលើអារម្មណ៏ផ្ទាល់ខ្លួន ឬ ចិត្ដចង់ដែលមិនសមហេតុផលនោះទេ។
៣. សម្លឹងទៅមុខជានិច្ច៖ មានគំនិត គោលដៅនិងទស្សនៈវិស័យច្បាស់លាស់សម្រាប់ពេលអនាគត។ ទស្សនៈវិស័យដែលបានបង្កើតនោះ ត្រូវបម្រើផលប្រយោជន៏ដល់អង្គភាពទាំងមូល។ ដូច្នេះហើយអ្នកដឹកនាំមានប្រសិទ្ធភាព ត្រូវបង្កើតទស្សនៈវិស័យអ្វីដែលពួកគេចង់បាន និងត្រូវធ្វើឱ្យសម្រេចបានតាមរបៀណាមួយ។ ពួកគេត្រូវចាប់ឱ្យបាននូវអ្វីដែលជាចំណុចអាទិភាព ដែលអាចផ្ដល់ពីតម្លៃរបស់ពួកគេ។
៤. ការជំរុញនិងលើកទឹកចិត្ដ៖ បង្ហាញពីភាពជឿជាក់នូវរាល់អ្វីដែលយើងធ្វើ តាមរយៈការតស៊ូ ភាពអត់ធ្មត់ទាំងផ្លូវកាយនិងផ្លូវចិត្ដ ព្រមទាំងភាពនឹងធឹងរបស់ខ្លួន នោះអ្នកនិង អាចជំរុញ ទឹកចិត្ដអ្នកដ៏ទៃទៀតធ្វើការងារកាន់តែទទួលបាននូវលទ្ធផលល្អជាងមុន។
៥. ភាពវៃឆ្លាតៈ៖ ខិតខំសិក្សាស្រាវជ្រាវបន្ថែម ដើម្បីស្វែងរកនូវ ដំណោះស្រាយសម្រាប់ការងារ និងពេលមានឧបសគ្គក្នុងពេលបំពេញការងារ។
៦. ប្រកាន់គំនិតត្រឹមត្រូវ៖ ប្រព្រឹត្ដល្អនិងមិនរើសអើងទៅកាន់មនុស្សគ្រប់គ្នា។ ភាពលំអៀងគឺជាសត្រូវនៃភាពយុត្ដិធម៌។ ដូចនេះអ្នកដឹកនាំត្រូវចេះ បង្ហាញពីការ ចេះយល់ចិត្ដអ្នកដ៏ទៃ ដោយការចេះឈឺឆ្អាលនិងយក ចិត្ដទុកដាក់លើ អារម្មណ៍ គុណតម្លៃ និងសុខទុក្ខរបស់អ្នកដ៏ទៃ ។
៧. គំនិតទូលំំទូលាយ៖ ស្វែងយល់ឲ្យបានច្រើននូវភាពសម្បូរបែបនៃវប្បធម៌។
៨. ភាពក្លាហាន៖ អ្នកដឹកនាំត្រូវមានស្មារតីលះបង់ដើម្បីសម្រេចឲ្យបានតាមគោលបំណងរបស់ខ្លួន ទោះបីជាមានឧបសគ្គធំយ៉ាងណាក៏ដោយ។ អ្នកដឹកនាំត្រូវបង្ហាញពីភាពជឿជាក់និងស្ងៀមស្ងាត់ ទោះបីជាស្ថិតនៅក្រោមសំពាធការងារយ៉ាងណាក៏ដោយ ។
៩. ភាពច្បាស់លាស់៖ ប្រើប្រាស់នូវភាពយុត្ដិធម៌ ដើម្បីធ្វើការសម្រេចចិត្ដឲ្យបានត្រឹមត្រូវ និងត្រូវតាមពេលវេលាឬស្ថានកាណ៍។
១០. មានគំនិតច្នៃប្រឌិត៖ ធ្វើការផ្លាស់ប្ដូរដ៏សមរម្យនិងទាន់ពេលវេលានៅក្នុងការរិះគិត ការធ្វើផែនការ និងវិធីដោះស្រាយ។ អ្នកដឹកនាំត្រួវបង្ហាញពីការបង្កើតថ្មីៗដោយគំនិតឆ្នៃប្រឌិតស្របតាមគោលដៅ និងស្វែងវិធីសាស្រ្តល្អៗនិងថ្មីៗសម្រាប់ដោះស្រាយបញ្ហា។ និយាយរួម អ្នកដឹកនាំ ត្រូវតែមាននវានុវត្តន៍និងគំនិតច្នៃប្រឌិតថ្មីៗជានិច្ច ។
(ប្រភព៖ ខឹម សារិទ្ធ, ប្រសិទ្ធភាពនៃភាពជាអ្នកដឹកនាំ, ២០១០, BBU) ឬ
(https://www.facebook.com/Khemsarithedu)
Tag :
ចំណេះដឹងទូទៅ,
ដើម្បីសុំប្រធានដំឡើងប្រាក់ខែបានជោគជ័យ គួរអនុវត្តយុទ្ធសាស្ត្រទាំង ៧យ៉ាងនេះ!
ខាងក្រោមនេះ គឺជាយុទ្ធសាស្រ្ត៧យ៉ាង ដែលធ្វើឲ្យបុគ្គលិកអាចសុំតំឡើងប្រាក់ខែយ៉ាងមានប្រសិទ្ធភាពបំផុត៖
១) រើសពេលវេលាដ៏សក្ដិសមបំផុត
ការស្នើសុំដំឡើងប្រាក់ខែ គឺជារឿងសំខាន់បំផុត ដូច្នេះមិនមែននឹកឃើញចង់បានភ្លាម ហើយទៅសុំភ្លាមនោះទេ ព្រោះវាអាចនាំឲ្យមានភាពបរាជ័យ ច្រើនជាងជោគជ័យ។ ឧទាហរណ៍ថា ក្រុមហ៊ុនអ្នក កំពុងជួបបញ្ហាហិរញ្ញវត្ថុ បែរជាអ្នកស្នើសុំដំឡើងប្រាក់ខែទៅវិញ ដូច្នេះក្រុមហ៊ុនមិនមានលទ្ធភាពក្នុងការផ្តល់នោះទេ។ ក្នុងន័យនេះ នៅពេលដែលក្រុមហ៊ុនកំពុងតែជោគជ័យ អ្នកអាចបង្ហាញ ពីសមត្ថភាពក្នុងការបំពេញការងារផងដែរ ទើបការសុំដំឡើងប្រាក់ខែនេះ គឺជាពេលដ៏សក្ដិសមបំផុត។
២) តើប្រធានអ្នក មានពេលស្តាប់ ឬ ទទួលសំណើដែរឬទេ?
ពេលខ្លះ បុគ្គលិកចេះតែដាក់សំណើទៅកាន់ ប្រធាន របស់ខ្លួន ខណៈ គាត់កំពុងមានភារកិច្ច ស្មុគស្មាញជាច្រើនដែលត្រូវបំពេញ។ ដូច្នេះបើទោះបីជា ទទួលយកសំណើក្តី តែគាត់គ្មានពេលវេលាណាដើម្បីមកគិត និង ពិនិត្យឲ្យច្បាស់លាសនោះទេ។ ដូច្នេះវាអាចជាការចំណាយកម្លាំងចោលទទេ។ លើសពីនេះទៅទៀត អារម្មណ៍របស់ ប្រធាន ក៏ជារឿងសំខាន់ផងដែរ ព្រោះបើទោះបីជា គាត់មិនសូវមមាញឹកក្តី តែបើមើលទៅមានអារម្មណ៍មិនល្អដោយសារអ្វីមួយនោះ វាក៏ជាបញ្ហាផងដែរ។ ក្នុងន័យនេះ គប្បីសង្កេតមើលទាំង សកម្មភាព និង អារម្មណ៍របស់ អ្នកគ្រប់គ្រង់ ថាពេលណាដែលយើងធ្វើទៅមានផលល្អ។
៣) ត្រៀមហេតុផលសមស្រប ក្នុងពេលចរចាជាមួយប្រធាន
នៅពេលដែល មានការចរចាតំឡើងប្រាក់ខែ ដោយផ្ទាល់ជាមួយនឹង ប្រធាននោះ ប្រាកដជាមានសំណួរជាច្រើនទាក់ទងនឹងបញ្ហានេះ។ដូច្នេះ មុនពេលទៅជួបផ្ទាល់ជាមួយប្រធានលើបញ្ហាសុំដំឡើងប្រាក់ខែ អ្នកគួរណាស់ត្រៀមហេតុផលសមស្របជាច្រើនដែលប្រទាក់ក្រឡាគ្នា ព្រោះវាជាចំណុចសំខាន់ក្នុងការជំរុញឲ្យប្រធានសម្រេចចិត្តតាមបំណង របស់យើង។
៤) ត្រូវដឹងពីចំណុចខ្លាំងរបស់ខ្លួន ដោយប្រៀបនឹងបុគ្គលិកដទៃ
អ្នកត្រូវបង្ហាញ ពីសកម្មភាពដ៏សំខាន់ក្នុងការងារប្រចាំថ្ងៃ ដែលបុគ្គលិកដទៃទៀតមិនអាចធ្វើល្អដូច។ វាជាចំណុចដ៏សំខាន់ ដើម្បីបង្ហាញថា អ្នកពិតជាសាកសមជាបុគ្គលិកដែលទទួលបានប្រាក់ខែខ្ពស់ជាងអ្នកដទៃ។ ដូច្នេះ នៅពេលចរចាជាមួយប្រធាន វាជារឿងងាយស្រួលក្នុងការបង្ហាញពីចំណុចខ្លាំងរបស់យើង។
៥) វិភាគលើទីផ្សារជាក់ស្តែង
បើទោះបីជា យើងជាបុគ្គលិកពូកែយ៉ាងណាក៏ដោយ ក្រុមហ៊ុនក៏មិនអាចតំឡើងប្រាក់ខែខ្ពស់ហួសពីតម្លៃនៅលើទីផ្សារ បច្ចុប្បន្ននោះទេ។ ដូច្នេះមុននឹងធ្វើការស្នើសុំការដំឡើងប្រាក់ខែនោះ យើងគួរណាស់តែធ្វើការស្រាវជ្រាវលើ ប្រាក់ខែក្នុងដំណែងដែលកំពុងធ្វើនេះជាមុនសិន ថាតើតំណែងប្រភេទហ្នឹង នៅលើទីផ្សារប្រាក់ខែខ្ពស់បំផុតប៉ុន្មាន?
៦) យល់ដឹងពីយុទ្ធសាស្ត្រក្នុងពេលតថ្លៃ
ជាទូទៅ ក្នុងពេលដែលតថ្លៃតំឡើងប្រាក់ខែនោះ អ្នកត្រូវប្រើយុទ្ធសាស្ត្រដើម្បីទទួលបានចំនួនដែលអ្នកចង់បាន។ ឧទាហរណ៍ថា អ្នកចង់ឲ្យក្រុមហ៊ុនដំឡើងប្រាក់ខែ ១០% ដូច្នេះអ្នកគួរប្រាប់ថា ចង់បាន ការតំឡើង ១២ ឬ ១៣ %នៃប្រាក់ខែអ្នក ព្រោះបើដាក់សុំ ១០ % ក្រុមហ៊ុនប្រាកដណាស់នឹងដំឡើងក្រោម ១០% មិនខាន។
៧) ត្រូវរៀបចំផែនការថ្មី បើបរាជ័យ
ប្រសិនបើ ការចរចារបស់អ្នកកន្លងមក មិនទទួលជោគជ័យនោះ វាមានន័យថា យុទ្ធសាស្ត្រដែលអ្នកបានរៀបចំកន្លងមក នៅមិនទាន់គ្រប់ជ្រុងជ្រោយទេ។ ដូច្នេះ យើងមិនគួរ បោះបង់ចោលនោះទេ តែត្រូវតែធ្វើ យ៉ាងណាដើម្បីឲ្យក្រុមហ៊ុនសម្រេចដំឡើងប្រាក់ខែនៅថ្ងៃណាមួយ តាមរយៈការកែប្រែចំណុចខ្វះខាតរបស់អ្នកកន្លងមក ជាពិសេសក្នុងពេលចរចាតែម្តង៕
ប្រែសម្រួល៖ រស្មី
ប្រភព៖ Top Tips News & BBC
Tag :
ចំណេះដឹងទូទៅ,
