February 18, 2014
វិធីសម្អាតបន្ទប់ទឹក
ដើម្បីសម្អាតបន្ទប់ទឹក ឲ្យស្អាត អ្នកគួរយល់ដឹងពីការសម្អាត
សម្ភារៈក្នុងបន្ទប់ទឹក ឲ្យបានត្រឹមត្រូវ។ ដើម្បីសម្អាតបន្ទប់ទឹក ឲ្យស្អាត អ្នកគួរយល់ដឹងពីការសម្អាត
*ឥដ្ឋការ៉ូ: ប្រើថ្នាំសម្អាតស្នាមប្រឡាក់ ឬទឹកថ្នាំសម្អាតបន្ទប់ទឹក
មកដុសលាងស្នាមដំណររបស់ឥដ្ឋការ៉ូ ប៉ុន្តែបើនៅតែមិនជ្រះស្អាត ដើម្បីឲ្យស្នាមដំណរ
របស់ឥដ្ឋការ៉ូក្នុងបន្ទប់ទឹកស្អាតដូចដើមវិញ ចូរយកទឹកលុបពណ៌ស ជូតនៅតាមស្នាម
តំណនោះ ជាការស្រេច។
*ក្បាលផ្កាឈូកអាលុយមីញ៉ូម: អាចសម្អាតវាបាន ដោយគ្រាន់តែយកវាទៅត្រាំទឹក
ប្រមាណ ១-៤ លីត្រ ដែលមានលាយសាច់ជូរ ហើយទុកចោលមួយស្របក់ សឹមលាង
សម្អាតដោយទឹកស្អាតធម្មតា។
*ក្បាលផ្កាឈូកប្លាស្ទិក: អាចកម្ចាត់ស្នាមប្រឡាក់ ឲ្យជ្រះស្អាតបាន ដោយយកក្បាល
ទឹកផ្កាឈូកនោះ ទៅត្រាំក្នុងទឹកក្តៅលាយសាច់ជូរបន្តិចផង ដើម្បីកុំអោយស្ទះរន្ធផ្កា
ឈូកនោះ។
*ក្បាលរ៉ូប៊ីណែ: ជារឿងងាយស្រួល ដើម្បីសម្អាតក្បាលរ៉ូប៊ីណេ គឺយកកូនកន្សែងដៃ
ទៅជ្រលក់ក្នុងទឹកលាយសាច់ជូរឲ្យជោគ បន្ទាប់មកយកទៅរុំឲ្យ ជិត ក្បាលរ៉ូប៊ីណេនោះ
ទុកចោលប្រមាណ ៣០ នាទី សឹមលាងចេញវិញ។
*វាំងននក្នុងបន្ទប់ទឹក: យកទៅបោកគក់ក្នុងទឹកក្តៅឧណ្ហៗ ដែលមាន លាយសាប៊ូ
បន្ទាប់មកដុសសម្អាត ដោយប្រើទឹកក្រូចឆ្មារមួយសារទៀត មុននឹងយកទៅហាលថ្ងៃ
ឲ្យស្ងួត។
ប្រភព www.cen.com.kh
អត្ថបទបញ្ចូលដោយ : Ban Ravuth
ថ្ងៃទី : 15 Jan, 2014
