ក្នុងនាមជាឪពុកម្នាក់
អ្នកប្រហែលជាមានការពិបាកក្នុងការធ្វើទំនាក់ទំនងជាមួយកូនស្រីរបស់
ខ្លួនណាស់។ ប៉ុន្តែ យើងមានវិធីសាស្ត្រមួយចំនួន
ដើម្បីធ្វើអោយឪពុកគ្រប់រូបក្លាយខ្លួនជាមនុស្សដ៏ចាំបាច់បំផុត
សម្រាប់កូនស្រីរបស់ខ្លួន ជាពិសេសក្នុងទំនាក់ទំនងរាល់ថ្ងៃតែម្តង។
១. ចាប់អារម្មណ៍
ចូរចំណាយពេលវេលាចាប់អារម្មណ៍ចំពោះនាងភ្លាមៗ
ជាពិសេសចាប់ពីថ្ងៃខួបកំណើតរបស់នាងតែម្តង។
ចូរមើលកាយវិការរបស់នាងអោយដូចជាទារកម្នាក់អញ្ចឹង។ ហើយចូរស្តាប់
លេង និងអានរឿងនិទានអោយនាងស្តាប់ និងផ្តល់ជាទំនុកចិត្តដល់នាងថា
អ្នកពិតជាចាប់អារម្មណ៍ចំពោះនាងមែន។
២. ស្តាប់នាងនិយាយ
កូនស្រីភាគច្រើនចូលចិត្តនិយាយ ហើយជាទូទៅ
ពួកគេក៏និយាយច្រើនជាងក្មេងប្រុសដែរ។ ចូរស្តាប់នាងនិយាយ
ការប្រាប់អំពីក្តីស្រមៃរបស់នាង
និងរក្សាការសម្ងាត់ដែលនាងប្រាប់អោយអ្នកដឹងនោះផង
ដោយមិនខ្វល់ថាជារឿងល្អ ឬអាក្រក់ឡើយ។
៣. ផ្តល់ការគាំទ្រ
ការផ្តល់នូវការគាំទ្រ និងទំនុកចិត្តចំពោះស្ថានភាពដែលពិបាកៗ
អាចក្លាយទៅជារឿងមានប្រយោជន៍ជាងការចំណាយពេលនិយាយអប់រំ
អោយនាងស្តាប់ទៅទៀត។
៤. លើកទឹកចិត្ត និងផ្តល់ជាទំនុកចិត្តដល់នាង
ចូរផ្តល់ការលើកទឹកចិត្តដល់នាង
អោយនាងមានទម្លាប់ធ្វើការងារប្រចាំថ្ងៃដូចជា ការអានសៀវភៅថ្មីៗ
និងបើកបរជាដើម។
អ្នកក៏អាចជម្រុញអោយនាងធ្វើអ្វីមួយអោយទទួលបានភាពជោគជ័យទាំងស្រុង
ផងដែរ។
៥. ទំនាក់ទំនង
• ចែករំលែកបញ្ហា ៖
អោយនាងនិយាយវាដោយបើកចំហរជាមួយអ្នកអំពីការបារម្ភ
ឬប្រធានបទណាមួយដែលនាងចង់និយាយ
អោយដូចគ្នានឹងនាងធ្វើចំពោះម្តាយដែរ។
• បើកចំហរ និងស្មោះត្រង់ ៖
ចូរបញ្ជូនអារម្មណ៍របស់អ្នកទាំងអស់ដូចជា ក្តីស្រឡាញ់ ការគិត មោទនភាព
ឬការមិនសប្បាយចិត្ត អោយនាងដឹងដោយផ្ទាល់ ប៉ុន្តែ
ត្រូវតែស្ថិតក្នុងអាកប្បកិរិយាគាំទ្រដល់រូបនាងផង។
រឿងនេះនឹងជួយអោយនាងមានមោទនភាពចំពោះអារម្មណ៍អ្នកបាន។
៦. បង្ហាញអោយនាងដឹងថា អ្នកជឿជាក់លើរូបនាង
ចូរផ្តល់នូវការជឿជាក់អោយនាងដឹងផង ទៅតាមរយៈការចែករំលែករឿងអាថ៌កំបាំងរបស់អ្នកតែម្តង។
៧. យល់ព្រមនឹងនាង
មិនខ្វល់ថាអ្នកយល់ព្រម ឬមិនយល់ព្រមទេ ចូរធ្វើការគាំទ្រ
និងយល់ស្របតាមការសម្រេចចិត្តរបស់នាងទៅ។
ស្ថិតក្នុងករណីដែលនាងមិនអាចសម្រេចចិត្តបាន ចូរនិយាយប្រាប់នាង
និងវិភាគទៅលើជម្រើសជាច្រើនជាមួយគ្នា
និងដោះស្រាយលើបញ្ហាស្ថានភាពដែលកំពុងតែកើតមានចំពោះមុខ។
៨. អោយនាងសាងកំហុស និងរៀនចេះពីកំហុសដែលនាងសាងនោះ
មិនត្រូវស្តីបន្ទោសកូនស្រីអ្នកក្នុងពេលដែលនាងធ្វើការសម្រេចចិត្ត
ខុស និងសាងកំហុសណាមួយឡើយ។ ផ្ទុយទៅវិញ
ចូរបង្រៀននាងអោយចេះទទួលខុសត្រូវនូវអ្វីដែលនាងបានសម្រេចចិត្ត
រួច និងសិក្សាពីកំហុសទាំងនេះ។
៩. ចំណាយពេលវេលាសប្បាយៗជាមួយគ្នា
ចូរចំណាយពេលវេលាពិសេសៗជាមួយគ្នាផងទៅដូចជា ការមើលកុន
ដើរទិញឥវ៉ាន់ និងលេងហ្គេមផ្សេងៗ។ ចូរគិតថា
អ្នកទាំងពីរជាមនុស្សមានវ័យប្រហាក់ប្រហែលគ្នា
ដើម្បីអ្នកអាចជួយនាងដោយបើកចំហរបាន។
១០. ប្រាប់ថា “នាងជាមនុស្សស្រីដែលស្អាត”
សរសើនាង ដើម្បីអោយនាងអាចញញឹមបានយ៉ាងស្រស់។ ការនិយាយនូវពាក្យថា
“ស្រស់ស្អាត” ចេញពីក្រអៅបេះដូងបែបនេះ នឹងជួយអោយនាងយល់ថា
ខ្លួនឯងកាន់តែមានសម្រស់ស្រស់ស្អាតពីខាងក្នុងជាងខាងក្រៅទៅទៀត៕
