ការសន្សំ សំចៃប្រាក់ មើលទៅហាក់ដូចជាលំបាកស្មុគស្មាញសម្រាប់មនុស្សមួយចំនួន។ នេះដោយសារតែប្រាក់ខែនិងចំណូលមិនគ្រប់គ្រាន់សម្រាប់ជីវភាព។ វីធីសន្សំសំចៃ៥យ៉ាងខាងក្រោមអាចជួយអ្នកសន្សំសំចៃប្រាក់ទុក បម្រុងសម្រាប់ថ្ងៃអានាគត។
១. កុំទិញអ្វីដែលមិនចាំបាច់។ មុននឹងទិញអ្វីមួយចូរពិចារណាហើយពិចារណាទៀតថាអ្នកពិតជាត្រូវ ការវត្ថុនោះចាំបាច់ខ្វះមិនបានមែនទេ។ ប្រសិនបើមិនទាន់ចាំបាច់ទេ ចូរកុំទិញ។
២. ចំអិនអាហារពេលព្រឹកដោយខ្លួនឯង និងខ្ចប់អាហារថ្ងៃត្រង់យកទៅបរិភោគនៅកន្លែងធ្វើការ។ ធ្វើបែបនេះជួយកាត់បន្ថយចំណាយប្រចាំថ្ងៃរបស់អ្នកបានមួយចំណែក។
៣. មុននឹងទិញរបស់អ្វីមួយ ត្រូវប្រៀបធៀបមើលតម្លៃឲ្យបានច្បាស់លាស់ កុំទិញតាមតែចិត្តចង់។ អ្នកអាចនឹងសន្សំបានប្រាក់ជាច្រើន ដោយមិនទិញរបស់ដែលថ្លៃហួសហេតុ។
៤. បើមិនចាំបាច់ទេ កុំទិញនៅហាងធំៗ។
៥. ទោះបីជាអាកាសធាតុក្តៅស្អុះស្អាប់ក៏ដោយ អ្នកគួរបិទម៉ាស៊ីនត្រជាក់ម្តងម្តាលដើម្បីកាត់បន្ថយចំណាយលើថ្លៃ អគ្គិសនី និងជួយការពារបរិស្ថាន។
ស្រង់ចេញពី៖ ទស្សនាវដ្តីប្រជាប្រិយ
