ផលប្រយោជន៏ស្លឹកគ្រៃចំពោះសុខភាព

Posted by : luxery supper market February 28, 2014

ដើមស្លឹកគ្រៃ ត្រូវបាន​មនុស្ស​យកទៅ​ធ្វើជា​គ្រឿងផ្សំ​នៅ ក្នុង​ម្ហូបប្រចាំថ្ងៃ។ វាមិន​ត្រឹមតែ​ធ្វើឱ្យ​អាហារ មានក្លិន​ឈ្ងុយ ប៉ុណ្ណោះទេ ប៉ុន្ដែវាថែម​ទាំងមាន​គុណប្រយោជន៍ ចំពោះ​ សុខភាពទៀតផង។ ស្លឹកគ្រៃ ចំពោះ សុខភាព ស្លឹកគ្រៃ គឺជារុក្ខជាមួយប្រភេទដែលស្លឹក​និងប្រេង​របស់វា​ត្រូវបាន​មនុស្សប្រើ ដើម្បី ចម្រាញ់ជាឱសថព្យាបាលជំងឺ។ ស្លឹកគ្រៃត្រូវបានមនុស្ស ប្រើដើម្បី​ព្យាបាលអាការៈកន្រ្ដាក់បំពង់រំលាយអាហារ  អាការៈឈឺក្រពះ សម្ពាធឈាមឡើងខ្ពស់ រោគកន្រ្ដាក់ ការឈឺចាប់ ក្អួតចង្អោរ ក្អក រមាស់គន្លាកឆ្អឹង គ្រុនផ្ដាសាយ និងអាការៈអស់​កម្លាំ​ង​។ វាត្រូវបានមនុស្សប្រើ ដើម្បីសម្លាប់មេរោគ។ មនុស្សមួយចំនួនលាបស្លឹគ្រៃ និងប្រេងរបស់វា ទៅលើស្បែកដោយផ្ទាល់ ដើម្បី ព្យាបាលអាការៈឈឺក្បាល ឈឺក្រពះ ឈឺពោះ និងឈឺសាច់ដុំ។ ដោយគុណប្រយោជន៍នៃការស្រូបបឺតរបស់វា ប្រេងស្លឹគ្រៃ ត្រូវបានគេប្រើជា វិធី ព្យាបាលដោយបន្ថែមក្លិនក្រអូប ដើម្បីកាត់​បន្ថយ​អការៈឈឺសាច់ដុំ។ នៅក្នុងផ្នែកម្ហូបអាហារ និងភេសជ្ជៈ ស្លឹក​គ្រៃត្រូវ​បា​ន​គេប្រើ​ជាគ្​រឿងផ្សំបន្ថែមក្លិន និងផ្ដល់រសជាតិទៅក្នុងអាហារ និងភេសជ្ជៈ។ ជា​តួយ៉ាង ស្លឹកគ្រៃ​ត្រូវបានគេ ប្រើជាគ្រឿងបន្ថែមក្លិន នៅក្នុងតែឱសថរុក្ខជាតិ។ នៅក្នុង​ផ្នែកឧស្សាហ​កម្មណ៍ ផលិតស្លឹកគ្រៃ វាត្រូវបានគេប្រើជាក្លិនក្រអូបនៅក្នុងសាប៊ូ និងគ្រឿងសំអាង កាយផ្សេងៗ។ តើវាមានប្រសិទ្ធភាពបែបណា? ស្លឹកគ្រៃអាចជួយការពារ នូវការលូត​លាស់នៃបាក់តេរី និងមេផ្សិតដំបែ។ ស្លឹកគ្រៃ ក៏មានសារធាតុ​ដែលមានប្​រសិទ្ធ​ភាព​ធ្វើឱ្យធូរស្រាល ការឈឺចាប់ កាត់បន្ថយ អាការៈគ្រុនក្ដៅ ជួយភ្ញោចស្បូនស្រ្ដី និងលំហូរឈាមពេលមករដូវ និងមានសារធាតុ ប្រឆាំងនឹងអុកស៊ីដកម្ម៕
 ប្រភព newstoday អត្ថបទបញ្ចូលដោយ : Mr. Borey ថ្ងៃទី : 07 Jun, 2013

Leave a Reply

Subscribe to Posts | Subscribe to Comments

- Copyright © LUXURY SUPERMARKET - Skyblue - Powered by Blogger - Designed by Johanes Djogan -